Familie van vyf se seiljag reisverhaal op see. HEKKE NOG HEININGS. San Viljoen

Sagteband, 180 bladsye. A4 grootte. Gebruik, maar in goeie toestand. Minder as 1kg

DIT is 'n droom wat baie mense het: om te seil, en sommer reg rondom die wêreld ook. Nie baie kry dit reg om dit te verwesenlik nie, maar hierdie gesin hét. Hier is die onopgesmukte verhaal van 'n pa, ma en hulle dogtertjies wat dit wel gedoen het, met vreugde, met gelykmoedigheid, en bowenal, met sukses. Die roete om die wêreld was van die Suid- Afrikaanse Weskus af wes, deur die Panama Kanaal, oor die Stille Oseaan, tussen Australië en Nieu-Seeland deur, en as jy jou oë weer uitvee, moet jy nog net die Indiese Oseaan baasraak om Suid-Afrika se ooskus te haal. Voorbereiding, motivering, sielswroeging hiervan sal jy niks lees nie. Maar van eerstehandse ervaring op see en op land, baie; altyd interessant, soms snaaks, nooit aangedik nie. Dit is 'n vertelling waarmee die meeste mense, maar veral gesinne met jong kinders, en miskien dieselfde drome, maklik sal identifiseer, juis omdat dit so alledaags en sonder omhaal aangepak is. (Wilhelm Grutter)