Main centres: | 1-3 business days |
Regional areas: | 3-4 business days |
Remote areas: | 3-5 business days |
Posgeld en verpakking R38.00
Antjie Krog is tans een van die belangrikste skrywers in Suid-Afrika en bekend vir die vreeslose wyse waarop sy in elke publikasie haar eie posisie as mens en skrywer in Suid-Afrika ondersoek. Die titel van Louise Viljoen se versameling opstelle oor haar werk is ontleen aan 'n gedig waarin Krog na skrywende vroue verwys as "ons ongehoorde soort". Die verwysing na "ongehoordheid" is ’n veelseggende aanduiding van die wyse waarop Krog telkens op byna verregaande wyse die grense van die bekende en aanvaarde oorskry, maar dit ook regkry om met haar werk stem te gee aan diegene wat vantevore nie gehoor is nie. Die opstelle in Ons Ongehoorde Soort gee erkennning aan haar veelsydigheid as skrywer deurdat dit ondersoek instel na die werk wat Krog op die gebied van die poësie, prosa en vertaling doen. Daar word aandag gegee aan belangrike temas in haar werk en rekenskap gegee van bepaalde ontwikkelinge in haar oeuvre. Die fokus val op haar verhouding met die literêre tradisie waarbinne sy skryf, haar interaksie met vroulike literêre voorgangers en vroue uit die Suid-Afrikaanse geskiedenis, haar bemoeienis met die transformasies van identiteit binne die Suid-Afrikaanse en Afrika-konteks, haar pogings om deur vertaling die ruimte van Afrikaans uit te brei en haar gedurfde hantering van vroulike liggaamlikheid.