Die bruid van Blouberg: Die Branks van Blouberg laat nie met hulle speel nie, en Lecia Brank, mede-erfgenaam van die spogplaas Blouberg, is geen uitsondering nie. Maar vanuit sy graf trek oom Isak Brank nog vir oulaas ’n paar toutjies toe hy in sy testament bepaal dat Lecia sekere voorwaardes moet nakom, anders erf Wouter Fouché alles. Geen Brank kon nog ooit nee sê vir ’n uitdaging nie, maar weet Lecia dat dié voorwaardes behels dat Wouter ’n sê het oor haar liefdeslewe en dat sy moet leer boer?
’n Lang, vreemde pad: Was dit nie vir die skoonheidskompetisie nie, sou Elise Eybers se pad seker nooit met dié van markies Germano de Nobrega gekruis het nie. Hul liefde raak ’n verterende vlam . . . tot ’n jaagduiwel op ’n motorfiets haar geheue in inkswart duisternis dompel en hul liefde op ’n vreemde kronkelpad geplaas word.
Blom van Venesië: Die beeldskone Terri Massyn is ewe tuis is in ’n aandrok as in haar ligblou oorpak op ’n trekker of ’n perd se rug. Toe sy haar by haar suster op die Italiaanse eiland Santa Teresa aansluit ná haar swaer se dood, ontmoet sy die sjarmante maar dominerende graaf Marco de Castellano – wat glad nie geneë is met sulke “onvroulike” gedrag van ’n dame nie. Wie gaan vir wie tem in die magstryd tussen die donker edelman met sy konvensionele idees en die tenger, blonde vuurvreter uit Suid-Afrika?
Author: Susanna M. Lingua
Format: Paperback
Imprint: Tafelberg
Publisher: NB Uitgewers / Publishers
ISBN: 9780624057802
Audience: General
Pages: 512
Width (mm): 137
Length (mm): 213
