VAN WYK LOUW - 'N LEWENSVERHAAL. 2 Dele. Deur JC Steyn

1998. 2 Dele. In totaal 1212 bladsye. Hardebande. Baie goeie toestand. Goed gebind, netjies en skoon.

Posgeld R50

J.C. STEYN se Van Wyk Louw-biografie is een van die omvangrykste lewensbeskrywings wat nog aan 'n Suid-Afrikaner gewy is, uitvoeriger as dié van Le Roux, Coetzer en Marais oor J.B.M. Hertzog en ongeveer van dieselfde omvang as Hancock se groot studie oor J.C. Smuts. Vir sy werk het Steyn nie alleen deeglik met die Van Wyk Louw-dokumentasie en die J.S. Gericke-biblioteek op Stellenbosch op die hoogte gekom nie, maar ook van tersaaklike dokumente in die versamelings van W.E.G. Louw, D.J. Opperman, J. du P. Scholtz en Jan Greshoff gebruik gemaak, dokumente in ander bewaarsentra nagegaan en die jaargange van haas alle Suid-Afrikaanse koerante baie deeglik verken. Tydens 'n besoek aan Nederland het hy ook met die oog op Louw se Amsterdamse jare gegewens in die Nederlands Letterkundig Museum en Documentatiecentrum in Den Haag en by die Nederlands-ZuidAfrikaanse Vereniging in Amsterdam bygewerk en relevante materiaal in Nederlandse dagblaaie opgespoor. Daarnaas het hy onderhoude gevoer met lewende persone wat Louw geken het: familie, vriende, oudstudente, mense van die pers en uitgewerye. Van mev. Truida Louw, weduwee van die digter, het hy verlof verkry om die gedeeltes van die Louw-dokumentasie waarop 'n embargo geplaas is, te ondersoek en daaruit aan te haal.