Ontsluit Die Bybel (Afrikaans, Hardcover)

This item is sold brand new. It is ordered on demand from our supplier and is usually dispatched within 5 - 10 working days

Die Bybel beteken verskillende dinge vir verskillende mense. Die nuwe uitdagings en vrae wat in ons dag aan die adres van die Bybel gerig word, veroorsaak dat ons nie te rustig kan vertoef binne die “veilige hawe” van kerklike uitsprake oor die gesag van die Bybel nie. Feit is, binne ons snel veranderende samelewing, wat geteister word deur nuwe winde van individualisme, diversiteit, tegnologiese ontploffings, post-Christendom, en wie weet wat nog, is daar ’n massa nuwe stemme en vrae rondom ons en dalk in ons wat nie meer so maklik van die tafel gevee kan word nie.

Binne ons “globale winkelsentrum” genaamd aarde is daar ’n dringende behoefte aan relevante nadenke en dialoog rondom die eie aard, gesag en doel van die Bybel. So nie, is die museum vir bedreigde spesies dalk iewers vorentoe die kerk se voorland, met ons mooi belydenisse oor die Bybel en al! Daarom gaan ons in deel 1 van ons reis deur die Bybel eers goed nadink oor hoe ons die Bybel lees en hoe ons dit reg moet hanteer in ons soeke na God se wil.