Koue Soen - Francois Bloemhof

Koue Soen - Francois Bloemhof - Tafelberg - 1994, eerste uitgawe - 197pp - Harde glansblad in baie goeie toestand - Intern skoon en stewig gebind.

Met Koue soen in 1994 sit François sy voorkeur vir die bose ondergrond voort. Dit was ’n finalis in De Kat/Sanlam/Collage se romanwedstryd van 1993. Hier word die grieselige verhaal van twee verstrengelde familiegeskiedenisse (van die Strydoms en die Rabies) vertel. Die subtitel van die boek – “die dood en tye van die Strydom-Rabies” – verwys vooruit na die bose vloek wat die matriarge van hierdie twee families in ’n oomblik van redelose woede kies om oor mekaar uit te spreek. Dié bose vloek word bindend vir hulle en hulle kinders, tot in die hoeveelste geslag. Tom Gouws skryf dat die leser dus in die ontvouing van dié geskiedenis die voltrekking van die vloek in hierdie twee families volg – hul lewe kry byna net reliëf ten opsigte van hul verwagte sterftes. “In die sage wat volg, word die karakters verdwerg deur die groeiende, nou herkenbare gestalte van die Bose ...”